町町丼丼 (威靈頓街)

一直以為呢間係外賣店，原來都有堂食座位。見lunch hour都唔少人，我就決定take away喇！

套餐都幾抵，加$15就可以送一杯大大杯台式飲品，而家天氣咁熱，呷一口，零舍舒爽！

咖喱和風牛肉飯
日式咖喱醬汁濃郁，牛肉鮮嫩，兩者係好好嘅配搭。飯粒飽滿，外賣到返屋企都唔會淋，整體唔錯！

照燒雞扒配胡麻醬烏冬
煎煮過嘅照燒雞扒，色澤金黃，肉質紮實入味，同凍冰冰嘅烏冬分開擺放，特別值得一讚！

汁燒鰻魚
鰻魚size厚身，鮮嫩多汁，入口都幾Juicy，鰻魚汁甘甜，香氣濃郁，同珍珠米飯真係最好嘅配搭！