門口姐姐先用普通話問人數，可能對得遊客多，轉唔切language 😅
今次已經係第三次食，湯粉之前食過，所以今次試下撈檬。等左8至10分鐘左右就上菜。撈檬有招牌豬頸肉同春卷，中環區$68黎講，可以食到有質素既越南野，真心抵食，而且味道清淡，個sauce亦唔會好咸，加落個粉度，味道都幾Balance 。
整體黎講，今次野食keep到水準，味道唔差，但係環境整潔度就有待改善，出黎既時候，因為地下灘水油，差d成個人”線”低，嚇死！另外，因為食3次都咁岩坐餐廳最入面，唔知點解，眼見有吉位成15分鐘都無安排緊隊既人入座，有2座位同4座位，以為無人排隊，點知出去埋單，仲有人龍喎！
