大吉居酒屋 (已結業)

朋友喺中環返工，今晚同佢食飯，大胃王嘅佢又想食放題，見到大吉嘅食評都唔錯，所以同佢試吓～ 我哋揀咗第二輪，夜晚八點半，估唔到星期四咁晏都座無虛席😵，好彩有book定位同提早少少去排隊姐～ 不過店員效率都好高，好快就可以安排到入去坐～ 👏🏻 食物選擇都算多，刺身同壽司種類都好多，壽司有好多特別款式，串燒、沙律、熱食、燒物、炸物、甜品樣樣都有～ 刺身好味新鮮，推介有帶子、赤貝、北寄貝、泰式生蝦、甜蝦，最特別嘅係連蟹腳都有～ 我哋不停encore帶子同赤貝～ 壽司款式好多，好特別～ 推介係火炙左口魚壽司，充滿油份，超滑，正👍🏻 牛油果軟殼蟹壽司都好正，牛油果清新，軟殻蟹香口好味～ 😋蘆薈鮮柚沙律好味有驚喜👍🏻 好多粒粒蘆薈同柚子肉，清新鮮甜～ 串燒都好味，推介雞軟骨同牛舌～ 最特別係有一個燒味淋魚干，燒得好香口，配沙律醬食幾特別，好味😚 另一特別推介係竟然有鮑汁燴花膠😵 真係有花膠，而且有冬菇、雞腳、菜膽，正呀👍🏻 炸物都唔錯，比較特別係炸流心奶黃波波～ 飲品同甜品選擇都好豐富，回本之作係Haagen-Dazs同 Movenpick雪糕，食咗呢兩個都已經值回票價啦～ 價錢都係＄238 加一，