唐宮小聚 (The L. Place)

营业中

休息中

今日帶住小朋友喺中環揾食，撞啱寫字樓食飯時間,本身選擇已經唔多啦，仲要周圍都咁多人。咁啱諗起之前想試又訂唔到位既唐宮小聚,特登行咗陣於1:45pm先上去，都仲有啲人龍，建議訂位好過walkin,好在20分就有位坐。環境唔算好寬趟，但未至於擠迫。食物有點創新，不過改咗啲特別名字，例如猛虎咬豬，其實夾餅好似老虎張口咬著中間既肥腩肉。正好吸引咗細路眼球，樣樣都話想試吓。食物算嚟得快，可能過咗兩點飯市開始少人，反而快過龍張枱放唔晒。食物都算精緻，賣相不錯，只係份量不算很多，但每款價錢調低咗啲，方便人少可以order多幾款食物，一班大人食就真係會叫到一枱都係。味道偏濃味，似上海京滬菜，算中上水準。員工服務不過不失，收碟速度超快，好在唔喺飯市，如果唔喺我諗坐多陣都會狂問食物到齊未兼收剩杯茶。總括嚟講喺中環算唔錯選，不過要預早訂位及避開飯市會比較適合享受食物。