鏞記酒家

平日約客食lunch，首要係坐得舒服，靜靜地傾到偈。呢度枱與枱之間有空間，唔會太嘈雜。
既然係午市，點都試吓啲點心。個蝦餃皮薄餡靚，隻蝦好爽口。蔥油叉燒包唔係好感受到蔥油香，個包夠軟熟，叉燒餡都好好味。小菜叫咗個燒味雙拼，揀咗叉燒同切雞 。個叉燒要讚，蜜汁夠香，肉質鬆化；切雞都好滑，有雞味。另外個蟲草花香滑斑球 火喉啱啱好，魚肉嫩滑，個芡汁清得嚟又夠味，個客都話唔錯。
服務好pro，加茶換碟都好主動。成餐飯個客都好滿意，喺中環約客食中餐呢度絕對係信心保證。