LITE (已結業)

中環蘭桂坊附近有一間食健康食物嘅餐廳，間餐廳十分之特別，佢同一間健身店係連埋一齊，方便一啲做完gum嘅朋友之後補充體力去食，吸引一班年青人，同埋熱愛運動嘅人去幫襯。而另外都有好多喺中環返工嘅人lunch去幫襯，舖頭裝飾特別，有個大螢幕，好型格。我點一個特選嘅沙律,沙律有好多配料，配上 黑松露醬汁，好味道。裏面嘅蕃茄十分之新鮮同鮮甜，雞肉雞味鮮甜得來而又唔肥膩，火箭菜新鮮而又爽口，加埋薯仔，令人健康清新之餘，又可以補充體力。再加埋一杯健康飲品，健康好飲之餘，亦都可以令腸胃健康， 店舖仲可以食熱食，我就揀咗一碗熱嘅湯，是日靚湯係磨菇湯，蘑菇味好香濃，而且菇碎打爛咗，增加飽肚感，幾好飲。仲點左個smoked salmon wrap, 好靚，上碟都擺得好講究， 入面煙三文魚少少咸，配上新鮮蔬菜，仲有蛋同洋蔥， 口感豐富，而且飽肚，感覺好健康，又低卡路里，真係lite得嚟又好味！呢間真係值得推介，特別係一啲鍾意食好嘢，而又健康嘅朋友！