臺北棧 (荷李活道) (已結業)

朋友中環返工聽講呢間台灣菜經常都好多人幾受歡迎，但又未食過，所以今晚就決定試試佢。呢度主打新派式既台灣菜，連裝修都很新潮。🥢髒髒芋泥鹹蛋黃蛋餅上碟時已將蛋餅切好方便進食，蛋餅用上鴨蛋蛋香味足，餡料選用台灣芋頭，食落滿滿嘅芋泥，上層加埋紫薯粉、鹹蛋黃碎及煉奶，味道獨特，視覺亦好吸引。 🥢明太子甜不辣甜不辣是用魚糊被製成經油炸後，口感煙韌，加上惹味的明太醬，食落好滋味。🥢黑蒜牛肉麵寬粉絲牛肉軟稔，牛肉麵加入了秘制辣牛油，牛油香味濃帶少許微辣，湯底亦有藥材、香料、黑蒜味，另外仲有埋炸蟲草花增添口感，台式百頁豆腐好索湯。🥄伯爵茶凍QQ芋圓份量比想像中多，材料也非常豐富，有芋圓、綠豆、珍珠、伯爵茶果凍等等，食落唔會太甜，太滿足。🍹手作芋泥牛乳冰芋泥餡加入牛奶，份外綿滑。整體食物不錯，而且環境很有氣氛，賣相亦吸睛，難怪吸引到這麼多人前來打卡。