Keyaki (已結業)

同事要離開公司啦，今日佢帶我地黎依間餐廳同佢餞別。餐廳係主打串燒，我叫咗雞肉飯套餐。同事叫咗燒魚套餐。套餐有一個沙律作為前菜，色彩繽紛好得意。雞肉可以再滑嫩啲，最好食嘅竟然係作為拌菜嘅翠玉瓜，又厚又甜。我哋另外仲叫咗兩吋串燒，分別係大蔥雞肉同埋一串牛肉，味道都可以。總括來講，餐廳環境好有日式燒肉店嘅感覺，好適合談天。味道都配合到個價錢，我會下次帶埋其他朋友嚟試吓。但係要注意嘅事，因為係串燒餐廳，廚師就喺我哋面前燒食物，所以成間餐廳都有好大浸嘅燒肉味，離開餐廳之後全身都係燒肉味呀。