公利真料竹蔗水

今日放假黎到中環周圍行下咁，行行下見天氣咁熱，就想買杯野飲下咁。跟住係行人天橋行落黎之後，突然發現鼎鼎大名嘅公利就係我嘅旁邊，之前都俾人係中環問過點去公利，自己黎就真係第一次。於是就即係買左杯冰凍嘅蔗汁同埋蔗汁糕。杯蔗汁一飲落真係超級透心涼，雖然有啲甜，但真係好消暑，而蔗汁糕雖然係暖暖地，但口感唔錯，唔會軟淋淋咁，食落唔會太甜，岩岩好。