影片
更多
5天前
0 浏览
最初聽佢個名嗰陣仲喺佐敦，冇諗過原來中環都有一間，諗住搏一搏運氣睇吓有冇位，真係咁啱得咁蹺嗰日零舍有運氣，等咗我諗十分鐘左右就已經有位，見到舖頭一直都大排長龍，人氣真係爆燈。裝修好有特色，好鍾意枱面用嘅磚。見到比較多都係泰國地道嘅街頭嘢食，款式果然貴精不貴多。‣ 和牛船麵 $118見到和牛船麵好就令我諗返起Thong Smith，和牛份量都唔少，湯底好濃郁，你可以同時食到鹹、辣、酸同埋甜嘅味道，相當之過癮。仲有啲炸豬皮喺隔離增添唔少口感，入面仲有牛丸。船麵嘅話，我自己會推薦揀金邊粉，呢個組合冇得輸。‣ 醉貓炒河（虎蝦） $128‼️超級推薦‼️炒河就食得多，醉貓炒河就真係第一次食，但冇諗過河粉可以軟腍到咁，而且可以咁入味，食吓食吓就發覺好快食晒，有啲唔捨得。冇為意醉貓炒河都有啲辣，但係辣度對我嚟講啱啱好，令到唔同嘅配菜更香。冇後悔過揀咗虎蝦，蝦真係夠晒爽口彈牙。食嘅時候覺得味道真係好似喺泰國食咁樣，果然食材係由泰國入口係名不虛傳。‣ 燒豬頸肉 $108燒豬頸肉嘅份量多到好似燒牛扒咁，但令到我驚喜嘅係佢嘅醬汁，佢令到呢份豬頸肉變得不平凡。平時食燒豬頸肉好多時都係所謂嘅泰式辣醬，但係呢一間嘅醬
‣ 和牛船麵 $118
見到和牛船麵好就令我諗返起Thong Smith，和牛份量都唔少，湯底好濃郁，你可以同時食到鹹、辣、酸同埋甜嘅味道，相當之過癮。仲有啲炸豬皮喺隔離增添唔少口感，入面仲有牛丸。船麵嘅話，我自己會推薦揀金邊粉，呢個組合冇得輸。
‣ 醉貓炒河（虎蝦） $128
‼️超級推薦‼️炒河就食得多，醉貓炒河就真係第一次食，但冇諗過河粉可以軟腍到咁，而且可以咁入味，食吓食吓就發覺好快食晒，有啲唔捨得。冇為意醉貓炒河都有啲辣，但係辣度對我嚟講啱啱好，令到唔同嘅配菜更香。冇後悔過揀咗虎蝦，蝦真係夠晒爽口彈牙。食嘅時候覺得味道真係好似喺泰國食咁樣，果然食材係由泰國入口係名不虛傳。
‣ 燒豬頸肉 $108
燒豬頸肉嘅份量多到好似燒牛扒咁，但令到我驚喜嘅係佢嘅醬汁，佢令到呢份豬頸肉變得不平凡。平時食燒豬頸肉好多時都係所謂嘅泰式辣醬，但係呢一間嘅醬汁真係充滿住泰國風味，食得出好重嘅魚露味。
‣ 泰式奶茶雪糕 $68
‼️超級推薦‼️見到有人推薦雪糕，諗住咪都係雪糕，所以期望冇咁大，結果真係完全超出我嘅期望，泰式奶茶雪糕嘅味相當之濃郁，好似將泰式奶茶嘅精華都融入晒係雪糕入面咁，我對個雪糕勁滿意。側邊仲有啲果仁，同埋有個迷你嘅雪糕筒喺上面，其實你問我，我就咁食個雪糕，我已經覺得好開心。
‣ 椰奶冰沙 $58
椰奶沙冰好重椰子味，不過建議一上枱就即刻快啲飲，如果唔係味道就冇咁香濃。面頭仲有啲椰子肉，食嘅時候真係諗返起喺泰國運河坐船食椰子雪糕嗰種感覺。
张贴
