春禧堂台灣料理餐廳 (已搬遷) 新店位置

去中港城Cupnoodle museum玩，驚喜發現呢度上多一層，有間新開台式餐廳，粉藍色系嘅裝修充滿少女心，好適合打卡😍由於未到正餐時間，我哋兩大一細，我哋order咗幾款，台式滷肉飯～個人認為食台式，就必點滷肉飯😄。呢款滷肉，肉粒夠細，肉質嫩滑，口味係甜甜地嘅傳統台式風味，食落都幾Juicy。椒鹽花枝丸～外皮係麵包糠，入口香酥外脆又彈牙，即叫即整係零舍唔同。蒜香炒菜～本身冇指定係邊一款菜，店家話佢哋係用上時令蔬菜，所以兩三個月就會轉一款，蒜味都幾香，有少少偏油，不過應該係咁，啲菜先至咁爽脆😆呢度嘅白飯，可以就咁加炒雞肉，帶住小朋友，又唔想叫咁多款，就啱晒，份量比較容易預到。