燐寿司

睇食評見d圖都唔差，就諗住試吓。訂枱的時候已經冇曬bar枱，唯有坐普通枱，諗住應該都差唔多架啦。
叫左價錢最低個果餐，折完都五百幾。
食左一啖茶碗蒸就覺得好伏，滑就夠既但無味道😓第一次食到咁差的蒸蛋
到上壽司好似等左成廿分鐘，懷疑漏左單….
D壽司細件同埋重點又係唔夠味😂
正常應該壽司師傅會加醬油調好味道先比客人食，我仲要自己再點少少醬油😂
之後睇返以前d食評，壽司上面有d會加柚子碎/蔥之類，配合返每件壽司去配搭。 我唔係坐bar枱，都唔洗咁hea呀？
最後仲有個吞拿魚手卷，d紫菜淋曬，口感好差咬唔斷….
總之中曬伏，不值一試🥲