香濃野菌湯
啖啖都食到野菌嘅鮮味，加上落咗少少油，令湯底夠晒滑，又好creamy，個point係野菌份量唔少，令到湯底有咬口，又夠濃稠。
棒棒雞翼配蜜糖燒烤醬
雞翼夠晒香脆又惹味，一啖一隻，真係停唔到口，而個point係個蜜糖燒烤醬，好惹味呀！
香蒜橄欖油炒野菌配溫泉蛋
上枱就聞到好香嘅野菌味，食落除咗有野菌本身嘅味道之外，蒜味都令呢道菜加分，個point係記住將溫泉蛋撈勻，咁樣會令野菌嘅鮮味更加突出，好match架。
香蒜辣椒白酒煮大蜆
呢度除咗有香蒜辣椒白酒煮大蜆意粉，仲有啱晒今日話有啲飽，唔想食意粉嘅A姐，就可以揀呢個香蒜辣椒白酒煮大蜆喇，蒜味辣味比例啱啱好，而個point係粒粒大蜆都好肥美又無沙，好鮮甜呀。
原隻龍蝦薄餅
個Point係原隻龍蝦，已經贏晒喇！呢隻霸氣十足嘅原隻龍蝦就放正係薄餅中間，每件都有口感爽牙嘅龍蝦肉、茴香頭、超juicy嘅車厘茄同水牛芝士，份量十足，仲拉到長長嘅芝士絲呀！批身夠薄但略嫌唔夠脆，而驚喜在於龍蝦殼入面，原來唔係得個殼架，入面釀咗菇片、車厘茄同蝦仁！
