校長燒肉日韓料理 (沙咀道) (已結業)

朋友介紹呢間校長燒肉放題, 去到要排隊, 都幾旺, 原來只係未夠鐘入去, 因為係計時段而唔同價錢, 因為放工去食, 所以係最唔抵食既時段7:15-9:15. 雖然好人, 安排幾好, 好快就入去坐低左. 都真係full架喎. 間店好大, 最初以為只有燒肉揀, 點知估唔到有咁多嘢食. 坐底之後, 每枱仲有一碟海鮮拼盤.燒肉方面, 牛, 豬, 雞, 羊, 腸, 魚, 等等乜都有, 每款仲幾種味道同款式揀添. 除左燒肉, 仲有得打邊爐, 而且有好多打邊爐食物揀, 湯底有壽喜燒同麻辣. 另外仲有沙律, 熟食, 刺身, 甜品, 雪糕 (雪條, 甜筒, 自己唧既軟雪糕都有), 飲品任飲, 好多款式揀.食物味道唔錯, 牛肉豬肉好冧, 好入味, 燒台灣腸都好正, 好香. 仲有D一兜兜既粟米, 金菇, 味道正常喇. 不過如果燒D厚身既食物, 例如雞翼, 最好一開始就放左落爐先, 因為厚身食物要花多D時間燒先會熟. 所以提提大家都係揀D薄肉燒.坐位都算舒適, 唔迫. 下次黎要預留一個再空D既肚, 因為真係好多嘢食, 時間有D趕.