影片
更多
2023-01-06
20 浏览
今日放工去元朗覓食，行到千色店後面，見到一間好似有炸鷄同麵綫，即刻諗起台灣野，一於入去試下。未食過既時候，當然係睇人地有咩推介食物啦。牛肉麵係店鋪推介既食物，而牛肉麵同麻辣鴨血都係我既最愛，當然要食下啦。主食：金牌紅燒牛肉麵 $58 牛肉都幾多下，有成5、6舊，牛肉好淋，好入味，算唔錯。不過我比較中意有少少筋痴住，會正D，哈哈！不過晚市呢個價錢黎講，真係平靚正！最加分其實係 D生菜，我好鍾意食菜，尤其新鮮菜，呢碗既生菜真心好新鮮，好爽，每一條咬落去都唰唰聲。我忍唔住即刻叫朋友仔快D試下。麻辣鴨血無骨鴨掌豬大腸（金門麵綫） $68呢碗我最中意係豬大腸，好好好厚肉，又唔會得一堆油，好好食。麻辣鴨血都ok,不過唔係好夠麻辣，再辣D就正啦；無骨鴨掌朋友仔食左，佢話食鴨掌唔洗噒骨真係好正，連湯一齊食，超正！可惜得一隻。小食：臭豆腐 $38呢間臭豆腐可以講係我喺香港食過最最最好食最酥脆既一間，得閑過去净係食臭豆腐都開心！加上佢配既醬，好好食呀呀呀！！！好想叫曬中意食臭豆腐既朋友都去try try。哈哈！花雕炸鷄 $43呢款係店鋪既推介小食，都頗有花雕味，但唔算好重，所以唔會搶左本身既鷄味。不過
牛肉麵係店鋪推介既食物，而牛肉麵同麻辣鴨血都係我既最愛，當然要食下啦。
主食：
金牌紅燒牛肉麵 $58
牛肉都幾多下，有成5、6舊，牛肉好淋，好入味，算唔錯。不過我比較中意有少少筋痴住，會正D，哈哈！不過晚市呢個價錢黎講，真係平靚正！
最加分其實係 D生菜，我好鍾意食菜，尤其新鮮菜，呢碗既生菜真心好新鮮，好爽，每一條咬落去都唰唰聲。我忍唔住即刻叫朋友仔快D試下。
麻辣鴨血無骨鴨掌豬大腸（金門麵綫） $68
呢碗我最中意係豬大腸，好好好厚肉，又唔會得一堆油，好好食。麻辣鴨血都ok,不過唔係好夠麻辣，再辣D就正啦；無骨鴨掌朋友仔食左，佢話食鴨掌唔洗噒骨真係好正，連湯一齊食，超正！可惜得一隻。
小食：
臭豆腐 $38
呢間臭豆腐可以講係我喺香港食過最最最好食最酥脆既一間，得閑過去净係食臭豆腐都開心！加上佢配既醬，好好食呀呀呀！！！好想叫曬中意食臭豆腐既朋友都去try try。哈哈！
花雕炸鷄 $43
呢款係店鋪既推介小食，都頗有花雕味，但唔算好重，所以唔會搶左本身既鷄味。不過如果多幾舊就好啦，哈哈哈。
飲品：
高山烏龍茶 跟餐+$10
芭樂檸檬紅茶 跟餐+$10
整體嚟講，抵食！臭豆腐一定要試！
张贴
