等位/入座：
星期日下午一點鐘，兩位唔使等。 不過入面都其實坐到幾滿。
落單/上菜：
QR code 落單，自己揀埋開咩茶。
不過就唔係好睇得明下面嗰啲茶係咩款。
食物：
紅米腸相對其他點心鋪食過嘅冇咁飽滿，但都要$52。
我哋走左沙律醬。 另外有三種醬畀你點。
鹹水角（$32）反而調味好特別，同埋入面啲料好足，唔會有食空氣嘅感覺。
蝦醬鮮魷卷（$58）外面就包得好脆喇。但係你唔講我冇留意到有蝦醬味，反而佢啲紅蘿蔔蔬菜突出一啲。
馬拉小籠包（$48），都係唔理解點解係叫馬拉小籠包味道一般，同埋係冇醋嘅。
總結：cp值唔太高，想食新嘢就試下啦。同區同類型有更好嘅選擇。
