影片
更多
2017-08-21
169 浏览
已經係第二次食呢間老川皇，好味丫嘛，所以一定返轉頭食！我哋一家四口都食得辣，今次一於帶埋佢哋嚟！🌶我哋一共叫咗五個餸，等我逐樣介紹先😋提提大家，如果唔食得辣，或者好食得辣，都可以同店員講聲～佢哋會幫你調整辣度～ 好細心呢～😚第一樣嚟嘅係『川北涼粉』🍜就咁睇，賣相非常吸引～滿滿嘅辣椒醬料鋪滿係涼粉上面～撈勻之後就即刻起筷啦😛由於個涼粉其實都幾吸辣，我哋都唔係好頂得順哈哈但辣味同香味就真係無得輸！食得辣嘅朋友一定唔可以錯過😎 第二樣嚟嘅係『韭菜餃(8隻)』🍲除咗韭菜餃之外，仲有白菜餃同埋西洋菜餃任君選擇😌八隻餃啱啱好夠我哋一人兩隻～外表脹卜卜嘅餃入面係滿滿嘅韭菜！！(大家可以參考下圖)真係滿架唔係講笑～😲爸爸話好有驚喜，出面食唔到咁足料！第三樣嚟嘅係『鐵板魷魚鬚』🦑用鐵板上嘅，唔洗講當然係熱辣辣，夠晒惹味～就咁睇，以為咁多辣椒實係辣到飛起啦！點知又唔係喎，反而係令到d魷魚鬚更加香口～配埋爽爽甜甜嘅洋蔥，感覺唔會太膩，不錯！第四樣嚟嘅係『鐵板肥腸』🐷又係鐵板啦哈哈😄肥腸嘅份量絕對唔少呀，了下了下，食極都仲有！佢呢度嘅肥腸外皮係脆脆地，我估係輕輕炸過下先再炒？🤔但肥腸嘅味道仲keep到喺度，好
好味丫嘛，所以一定返轉頭食！
我哋一家四口都食得辣，今次一於帶埋佢哋嚟！🌶
我哋一共叫咗五個餸，等我逐樣介紹先😋
提提大家，如果唔食得辣，或者好食得辣，都可以同店員講聲～
佢哋會幫你調整辣度～ 好細心呢～😚
第一樣嚟嘅係『川北涼粉』🍜
就咁睇，賣相非常吸引～
滿滿嘅辣椒醬料鋪滿係涼粉上面～
撈勻之後就即刻起筷啦😛
由於個涼粉其實都幾吸辣，我哋都唔係好頂得順哈哈
但辣味同香味就真係無得輸！
食得辣嘅朋友一定唔可以錯過😎
第二樣嚟嘅係『韭菜餃(8隻)』🍲
除咗韭菜餃之外，仲有白菜餃同埋西洋菜餃任君選擇😌
八隻餃啱啱好夠我哋一人兩隻～
外表脹卜卜嘅餃入面係滿滿嘅韭菜！！(大家可以參考下圖)
真係滿架唔係講笑～😲
爸爸話好有驚喜，出面食唔到咁足料！
第三樣嚟嘅係『鐵板魷魚鬚』🦑
用鐵板上嘅，唔洗講當然係熱辣辣，夠晒惹味～
就咁睇，以為咁多辣椒實係辣到飛起啦！
點知又唔係喎，反而係令到d魷魚鬚更加香口～
配埋爽爽甜甜嘅洋蔥，感覺唔會太膩，不錯！
第四樣嚟嘅係『鐵板肥腸』🐷
又係鐵板啦哈哈😄
肥腸嘅份量絕對唔少呀，了下了下，食極都仲有！
佢呢度嘅肥腸外皮係脆脆地，我估係輕輕炸過下先再炒？🤔
但肥腸嘅味道仲keep到喺度，好味！👍🏻
最後嚟嘅係『干煸四季豆』😋
係我同家姐嘅最愛+私心推介呀😍
就咁睇圖片可能睇唔到啲菜圃，
但食落係好惹味，加上佢大大碟又熱辣辣，
再來幫襯嘅時候必定再叫～
今餐大家都好滿足呀～
以十粒星滿分來講，無論係份量，價錢，食物味道，溫度都有八粒星或以上👍🏻
一定會再次幫襯💖
张贴
