龍糖坊 (寶漢大廈)

营业中

休息中

新開嘅「龍糖坊」係龍點心嘅副線專售中式手工糖水餐廳裝修好有質感綠色調加埋木系設計環境幾舒適地方細細都放左植物做小分隔幾有心思但最緊要係糖水，睇吓我試咗咩！用QR code落單方便簡單桃膠娟姍奶燉椰皇原個椰皇上枱面層有滑嘟嘟嘅桃膠啲燉蛋白滑到唔使咬輕輕一抿就化開有淡淡椰香感覺滋潤唔會過甜暖暖地啱晒冬天食～芋圓芒果仙草奶凍有四款材料份量有夠大椰汁夠香濃仙草爽口帶微配埋煙韌芋圓同香甜芒果粒層次感爆棚食完唔會覺得膩！食完糖水仲叫左杯latte一試下發覺超級香濃咖啡香而唔苦正好解膩糖水款式選擇多價錢合理環境坐得舒服仲要無最低消費！鍾意港式糖水嘅朋友一定要試試！下次再嚟試埋其他款！