億饍 (已結業)

經常食西式菜既我今次想轉下口味，加上朋友又想食下泰國越南野，所以就選擇左呢間餐廳。一踏入餐廳以為去錯地方，因為內部裝修好似中式環境，連餐具都好似。泰式生蝦蝦身較大隻，本時食開每隻蝦都會有好多辣椒同蒜，令到成隻蝦都超辣，但佢呢隻係一隻生配一粒辣椒同蒜，少少辣之餘又唔會拿住拿住，再配埋個刺身蝦醬，岩岩好菠蘿炒飯食泰國越南野點菠蘿炒飯都會成為我既指定動作，呢到既菠蘿炒飯望落無咩特別，但食落就係另一回事。先講材料十分多，有菠蘿、蝦、魷魚、蟹柳、帶子等等。重點佢真係原隻菠蘿，我未試過食菠蘿炒飯會連埋菠蘿蓋一齊上 另外炒過既菠蘿一d都唔乾，仲好有水份。食完個飯我地仲專登摑d菠蘿肉黎食，仲見到好多水份軟殼蟹牛油果卷軟殼蟹都偏大舊，一啖咬唔哂。另外食落炸粉較少，真材實料甘大舊。安格斯牛肉串我鐘意呢種串燒既設計，通常出面食既串燒都係用即棄竹籤，但呢到就用鐵籤夠哂環保。另外仲飲左椰青我同朋友既椰青都大有不同，朋友較少水仲多肉，相反我既就少肉但多水。不過都好清甜好大個