影片
更多
2016-11-15
252 浏览
狡猾嘅兔仔同媽媽去食中式晚餐，咁啱出咗糧就帶媽媽食好啲， 係Hysan 14樓嘅呢一間餐廳其實啲嘢食唔貴，而且款式選擇又多，以下點餐紙。 糖心黑蒜燉響螺＄52 估唔到黑蒜嘅味道咁特別，唔係好臭不過幾濃郁，甜甜地，令到個湯都變得有甜味，響螺每一口都好彈牙，好明顯係燉左好耐嘅湯。好足料！ 厚切叉燒王＄68 物以罕為貴，每一片叉燒都非常厚切，肉質鮮嫩而且有少少肥肉，唔係淨瘦或者淨肥嘅叉燒。食落仲要去好多肉汁，甜味正合我意。燒得好香但係又沒有燒焦的位置，好食過一般酒樓好多。 紅棗桂圓杞子茶＄20 估唔到大大杯，兩個人飲都夠，裏面有有紅棗亦有龍眼，蜜糖嘅甜味好出眾，女人飲可以補下身！ 鮮肉一口小籠包＄52 總共有五件，平均＄10@1件，裏面肉質比較淡，不過勝在多汁，而且皮薄餡靚，啲肉都幾有鮮味。點埋醋就更加容易消化。 蜂蜜柚子蝦球＄72 呢個就真係新鮮的作品，好少見到一啲海產類可以配搭甜嘅醬汁或者配料，呢度嘅蜂蜜同埋柚子都好甜，蝦球外面包圍咗一層炸皮，令本身裏面嘅蝦肉唔需要直接點到出面嘅味道，同時吃既有甜有咸，有少少分隔位減少奇怪感，反而夠清新！ 飯焦鳳尾蝦＄88 呢個其實係
狡猾嘅兔仔同媽媽去食中式晚餐，咁啱出咗糧就帶媽媽食好啲，
係Hysan 14樓嘅呢一間餐廳其實啲嘢食唔貴，而且款式選擇又多，以下點餐紙。
糖心黑蒜燉響螺＄52估唔到黑蒜嘅味道咁特別，唔係好臭不過幾濃郁，甜甜地，令到個湯都變得有甜味，響螺每一口都好彈牙，好明顯係燉左好耐嘅湯。好足料！
厚切叉燒王＄68物以罕為貴，每一片叉燒都非常厚切，肉質鮮嫩而且有少少肥肉，唔係淨瘦或者淨肥嘅叉燒。食落仲要去好多肉汁，甜味正合我意。燒得好香但係又沒有燒焦的位置，好食過一般酒樓好多。
紅棗桂圓杞子茶＄20估唔到大大杯，兩個人飲都夠，裏面有有紅棗亦有龍眼，蜜糖嘅甜味好出眾，女人飲可以補下身！
鮮肉一口小籠包＄52總共有五件，平均＄10@1件，裏面肉質比較淡，不過勝在多汁，而且皮薄餡靚，啲肉都幾有鮮味。點埋醋就更加容易消化。
蜂蜜柚子蝦球＄72呢個就真係新鮮的作品，好少見到一啲海產類可以配搭甜嘅醬汁或者配料，呢度嘅蜂蜜同埋柚子都好甜，蝦球外面包圍咗一層炸皮，令本身裏面嘅蝦肉唔需要直接點到出面嘅味道，同時吃既有甜有咸，有少少分隔位減少奇怪感，反而夠清新！
飯焦鳳尾蝦＄88呢個其實係一個炒飯，一粒粒黃色嘅其實就係飯焦，但係又唔會難食，咬落去個口感非常香脆同喺屋企整好痴口嘅好唔同！！每一粒飯都炒得均勻，香氣四溢，蝦仁就非常爽口，都幾大碟。
金銀蒜蒸勝瓜金菇＄42其實最大賣點我覺得係個蒜蓉，因為真係勁香！平時我冇乜點特別食蒜蓉，但係咁樣配搭勝瓜同埋我最愛金菇感覺真係爽翻天⋯而且勝瓜表面冇咩渣，切得好好^_^
榴槤雪梅娘＄32本身都唔係太知呢個咩嚟，嚟到嘅時候就類似糯米糍，不過表面層皮好薄，溫度較冷，裏面就有好多忌廉包圍榴槤蓉，感覺比較Rich同埋heavy，榴槤香味真係好濃郁呢！
想不到這間中式餐廳收幾蚊茶位之餘用的是蕎麥茶，質素都好好，每一杯都非常濃郁，不停幫我們加茶真是非常值得！Fusion菜式都好好，如果多啲人嚟食嘅話平均價錢會更平，可以食更多野。
张贴
