大廚料理 (已結業)

中式嘅廚師發辦唔知大家有冇食過呢？前排就同朋友去試咗啦，佢嘅菜設計嘅款式都幾特別，文章嘅最後仲幫大家爭取左一個好好嘅優惠添，記得拉到最後嗰張圖拎優惠啦。⚜️開胃前菜佢有7小格，嘅小菜都好精緻。韓國嘅柚子蜜好特別，煮蜆食落酸酸辣辣好開胃。另外小食方面仲有吉列東星班，炸得啱啱好，外脆內軟。⚜️冰鎮清酒煮南非五頭鮑魚 呢個菜一嚟到嘅時候就已經好吸引，煙霧離漫，若隱若現見到鮑魚喺中間，佢嘅鮑魚已經切好晒，食落去淡淡的清酒香味，肉質好鮮嫩。⚜️XO醬玻璃蝦球北海道元貝 xo醬係好香但係唔辣嘅🤫炒過嘅蝦球北海道元貝特別香口，蝦球元貝都非常新鮮，啖啖肉😄⚜️冰鎮脆皮黑豚咕嚕肉 呢個菜式係佢哋嘅招牌，用冰鎮住啱啱煮好嘅咕嚕肉，咕嚕肉脆皮外層係凍嘅，咬落去有焦糖嘅口感，中間係暖暖地，酸甜又凍冰冰嘅感覺有啲似食緊甜品。⚜️龍蝦湯菠菜苗 菠菜苗圓筒形咁樣放咗喺龍蝦湯中間，龍蝦湯味道好濃郁，加埋嫩口嘅菠菜苗，口感一流。⚜️慢煮西班牙黑豚叉燒意大利飯個人呢就比較鍾意食意大利飯，因為索晒啲汁超正，佢嘅黑松露味都幾重。慢煮西班牙黑豚肉質好嫩口，叉燒味好重，值得一試。⚜️中西甜品任選甜品真係有好多種選擇，有中西式甜品之外仲有水果添