影片
更多
2008-02-18
30 浏览
今晚放工就約咗女朋友一齊去食晚飯, 一諗就諗住去食農夫飽, 雖然只係去過幾次, 老闆一眼就認出我哋, 並話, "你哋幾次0黎都係食農夫飽, 其實我哋鋪頭仲有好多好嘢, 中式餐都好正0架, 不如今晚就試吓我哋中式小菜, 二人套餐啦!", 於是我就在6款小菜中, 選擇咗啫啫雞煲, 當我正想叫多一個小菜時, 老闆笑笑口話, "一個套餐你哋兩個人都夠食啦, 唔夠再叫都好快唶, 無謂食唔哂嘥嘢", 我當時就覺得個老闆真係好老實, 俾咗錢我哋就去揾位坐低, 過咗10分鐘就有一個笑容滿面0既阿姐送餐0黎, 並話如果唔夠飯, 就通知佢哋再添, 我覺得佢哋服務態度真係好好, 再睇吓個餐, 一個熱氣騰騰0既啫啫雞煲, 份量很大, 一碟炒菜, 一碗青紅蘿蔔煲豬骨湯, 兩大碗白飯, 一杯我0既至愛"金牌凍咖啡", 一共42蚊, 比我平時同女朋友出外食飯慳番一大截, 個雞煲真係好好味, 又夠熱, 比一般0既中式酒樓仲要好, 例湯一飲就知道係無味精.食完我同女朋友都啱啱好, 好滿意, 原來呢間餐廳除咗西式農夫飽, 豬扒飽咁出名外, 中式小菜一樣咁正, 難怪可以在open rice 排第一名, 老闆同伙計招呼又好,
食完我同女朋友都啱啱好, 好滿意, 原來呢間餐廳除咗西式農夫飽, 豬扒飽咁出名外, 中式小菜一樣咁正, 難怪可以在open rice 排第一名, 老闆同伙計招呼又好, 當我哋離開時經過餐廳, 老闆就同我打招呼, 問我個小菜套餐得唔得, 我哋都話好正, 老闆就話, 佢哋中午0既快餐都好正0架, 每日都不同款式, 叫我哋可以試吓, 我話一定會, 其實我同女朋友都响旺角返工, 知道有咁正0既餐廳, 一定會帶埋同事, 朋友0黎幫襯, 一於一日三餐都係佢!!!
张贴