影片
更多
2023-02-17
393 浏览
係北角住既朋友仔話呢間火鍋店好食，要帶我黎試下😳 一去到門口己經覺得餐廳好有特色，以龍椅、屏風﹑燈飾﹑木桌椅呈現出宮廷風主題，古色古香🏮 用餐環境好闊落，適合一班家人/朋友黎聚會！餐廳既足料火鍋湯底非常吸引🔥 提供15款湯底，各有特色~ 有招牌「康熙花膠雞湯鍋」﹑「順治特色卜卜蜆鍋」同「嘉慶椰子藏雞濃湯鍋」。肉類就以牛肉為主，有少量雞肉﹑豬肉選擇。另外仲有海鮮﹑魚滑﹑手打丸﹑餃子﹑蔬菜﹑豆品﹑麵食等等，種類非常豐富😍♢ 🐓嘉慶椰子藏雞濃湯鍋 $298火鍋加上花花做點綴🌸 用腐皮包到花既形狀，仲有乾冰效果，煙霧繚繞，打卡一流✨ 大大塊腐竹包住雞肉同椰子，剪開後慢慢同湯融為一體。椰子味湯頭濃郁，入口順滑清新，真係可以當湯咁飲！雞肉份量都唔少，就算碌左成個鐘頭，D雞肉一樣咁嫩滑，超正！值得一讚既係店員不時主動過黎加湯，仲要唔係加清水，係加返雞湯架👏🏻♢ 🥩貴妃出浴手切本地牛肉 $348呢個菜名改得好😂 牛肉要浸過玫瑰花瓣牛奶浴先食得🌹 店員係我地面前倒牛奶同講解食法，落鍋前要將牛肉浸係牛奶兩分鐘左右。牛肉顏色粉嫩，紋理美觀，而且牛味濃郁。揀左細份量都有好多片，質同量都好掂！值得一讚係餐廳將牛
餐廳既足料火鍋湯底非常吸引🔥 提供15款湯底，各有特色~ 有招牌「康熙花膠雞湯鍋」﹑「順治特色卜卜蜆鍋」同「嘉慶椰子藏雞濃湯鍋」。肉類就以牛肉為主，有少量雞肉﹑豬肉選擇。另外仲有海鮮﹑魚滑﹑手打丸﹑餃子﹑蔬菜﹑豆品﹑麵食等等，種類非常豐富😍
♢ 🐓嘉慶椰子藏雞濃湯鍋 $298
火鍋加上花花做點綴🌸 用腐皮包到花既形狀，仲有乾冰效果，煙霧繚繞，打卡一流✨ 大大塊腐竹包住雞肉同椰子，剪開後慢慢同湯融為一體。椰子味湯頭濃郁，入口順滑清新，真係可以當湯咁飲！雞肉份量都唔少，就算碌左成個鐘頭，D雞肉一樣咁嫩滑，超正！值得一讚既係店員不時主動過黎加湯，仲要唔係加清水，係加返雞湯架👏🏻
♢ 🥩貴妃出浴手切本地牛肉 $348
呢個菜名改得好😂 牛肉要浸過玫瑰花瓣牛奶浴先食得🌹 店員係我地面前倒牛奶同講解食法，落鍋前要將牛肉浸係牛奶兩分鐘左右。牛肉顏色粉嫩，紋理美觀，而且牛味濃郁。揀左細份量都有好多片，質同量都好掂！值得一讚係餐廳將牛肉片放係冰上，保持新鮮，而且好有心思咁將牛肉砌到成朵花咁，打卡一流✨
♢ 🐖手打紫甘藍豬肉丸 (半份) $78
用蔬菜紫甘藍mix埋豬肉碎，估唔到又幾夾！豬肉味道濃郁，半份有四粒大大粒手打肉丸，真材實料，CP值唔錯！
♢ 🐮和牛芝士一口餃 (半份) $88
呢個餡料比較少見，幾有驚喜！和牛口感細膩，食落好似手打牛肉漢堡既質感，幾特別。反而芝士味唔夠出，如果再落多D做到流心效果就更正喇！餡料裝得超滿，夾落都聚手，呢個價錢幾抵食。
♢ 🌟黃金雙拼 $88
打邊爐點可以少得響鈴同炸魚皮？兩款食材都用左秘製鹹蛋黃醬炸過，香脆可口！輕輕係火鍋焯幾秒，吸收些少椰子雞湯精華更加正！
♢ 🍅滾得囍五色蔬菜拼盤 $88
拼盤砌到成朵花咁，好靚！五種唔同顏色既蔬菜，有蕃茄、蓮藕片、節瓜片﹑紫淮山片、薯仔片，全部都好健康。
♢ 🧋足料竹蔗茅根 $78
打邊爐少不了生津解渴既飲品~ 竹蔗茅根水，入口清甜，水壺仲加左真竹蔗同紅蘿蔔，真心「足料」！
♢ ⭐️火鍋醬料﹑前菜
每枱都擺放左一個九宮格醬料，用獨立醬料夠哂乾淨衛生~ 仲有一個糖盒裝住5碟前菜：雲耳、酸菜、漬蘿蔔﹑花生﹑蠶豆仁。
张贴
