八鍋堂．中日火鍋專門店 (已結業)

就黎冬天，越來越多食火鍋既地方選擇，今晚黎到兆萬呢間「八鍋堂」中西合璧，而且餐廳價錢大眾化，都幾抵食。入到去環境闊落，裝修新潮，梳化位置坐得舒適。湯底有10款選擇，困難症當然加錢簡左四格湯底，番茄濃湯、豆乳海鮮湯、夏日水果湯底、重慶麻辣湯。第一首選推薦重慶麻辣湯底，夠哂惹味又夠麻，越食越有辣勁，用嚟涮牛肉，味道一流啊！蕃茄湯有狗仔造型，十分可愛。豆乳湯比較淡，唔建議叫。夏日水果湯底帶鮮甜味，比較創新。火鍋配料都好多選擇，海鮮有象拔蚌、蜆、海蝦、蟶子、生蠔、帆立貝、青口、墨魚滑、鯪魚滑等等，整體新鮮。火鍋包美國肥牛、黑豚片、羊肉片。可以好似我地甘加錢品嚐特選美國牛肉、美國牛小排，牛味較濃。另有自助火鍋配料區，客人可因自己喜好自取，有丸類、蔬菜、麵類等等各式各樣既配料。最後仲有日式放題，可任食刺身、壽司、燒物、天婦羅、日式小食等等。蒜香雞中翼同燒蠔都好好味。飲品選擇多，最後食埋雪糕雪條，真係肚腩大大。呢度真係啱哂一大班朋友聚會丫。