孖寶 (已結業)

本來見到孖寶小館，仲以為食中菜，入到去先知原來食扒食burger，哈哈。星期日晏晝兩點幾去到，間餐廳都仲係好full，佢個lunch set同T石係同一個，都算多選擇，最欣賞佢嘅餐飲可揀herbal tea😍我同朋友叫咗個豬仔脾同肉眼扒，首先嚟咗個餐湯同餐包。個餐湯係粟米湯，好香濃嘅粟米味，仲好有口感，因為有啲粟米渣，好香甜，好鍾意。至於個餐包，一啲都唔馬虎，係香草麵包，職員仲好好攞咗油醋俾我哋點嚟食，香好多。至於個主菜，我自己覺得個意粉好有驚喜，因為我鍾意硬身嘅意粉，估唔到佢仲好有誠意地整香草意粉。嘢飲我自己叫咗個桂圓紅棗茶，簡直係女人恩物。