大麥牛肉麵 (已結業)

經過見到新開左呢間野，就膽粗粗入去試下。叫左一碗牛肉麵，同埋一碗滷肉飯，諗住咁常見既餐應該唔會中伏，點知就中中地伏。其實又唔算好難食，都食得落肚，但就唔特別好食。牛肉麵既牛肉好硬，完全咬唔開，麵既質感好硬，佢自稱湯底係用小麥整，但事實上完全無麥味，相反有d似屋企煲既湯水，無乜味，唯獨是塊蘿蔔炆得幾淋，好入味。至於滷肉飯既肉又係太硬，無左半肥瘦既口感，而且飯太多同太乾，然後肉太少，所以好齋。總括而言，如果你想食正宗既台灣野，呢間野真係麻麻；但如果你淨係想食個平平地既lunch塞飽個肚，呢到係一個幾好既選擇。