影片
更多
2022-09-16
151 浏览
從來冇打過食評，但食完呢間一定要打😡見到網上平台有出po文話好好食我地二話不說就book咗呢間麻辣風雲去到都見到差唔多滿座我地叫咗幾個熱門推介菜式-水煮牛肉 $268呢個中規中矩，牛肉份量少，湯就好多，我地6個人，真係每人1-2塊牛肉就完，而且牛肉好細塊，麻味冇乜，得少少辣味，但已經係叫咗咁多野入面算係最好一個菜式😐-酸菜魚 $298酸菜魚真係極品，係難食到極品，未食過咁難食既酸菜魚，d魚片好薄好細塊，一d都唔彈牙，好孩，同埋d薯粉一夾就斷，煮得太耐，一d都唔煙韌，呢個價錢但咁既質素，太失望🫠-自選干鍋 $256叫咗五花腩片雞腎同其他蔬菜，配料(洋蔥類)同肉既比例係5:2，即係5係配料，肉類係2，究竟我地來食配料定食五花腩😤？味道都係一般-香辣雞煲 $168半隻呢個雞煲真係我地食過最難食既雞煲，肉汁分離，d雞肉似係擺咗係雪櫃好耐好耐好耐，跟住叮熱或者用水淥下，用d汁撈下就拎出來比我地食，雞肉完全唔入味，而且d肉好孩，雖然佢用個爐慶住比我地，但食落去入面係凍既😅我地食完一舊要即刻吐出來🤮，真係好難食，唔知食緊乜-手撕包菜 $98呢個味道都ok，但好油好油好油，總之食落成口都係油-欖菜四季
從來冇打過食評，但食完呢間一定要打😡
見到網上平台有出po文話好好食
我地二話不說就book咗呢間麻辣風雲
去到都見到差唔多滿座
我地叫咗幾個熱門推介菜式
-水煮牛肉 $268
呢個中規中矩，牛肉份量少，湯就好多，我地6個人，真係每人1-2塊牛肉就完，而且牛肉好細塊，麻味冇乜，得少少辣味，但已經係叫咗咁多野入面算係最好一個菜式😐
-酸菜魚 $298
酸菜魚真係極品，係難食到極品，未食過咁難食既酸菜魚，d魚片好薄好細塊，一d都唔彈牙，好孩，同埋d薯粉一夾就斷，煮得太耐，一d都唔煙韌，呢個價錢但咁既質素，太失望🫠
-自選干鍋 $256
叫咗五花腩片雞腎同其他蔬菜，配料(洋蔥類)同肉既比例係5:2，即係5係配料，肉類係2，究竟我地來食配料定食五花腩😤？味道都係一般
-香辣雞煲 $168半隻
呢個雞煲真係我地食過最難食既雞煲，肉汁分離，d雞肉似係擺咗係雪櫃好耐好耐好耐，跟住叮熱或者用水淥下，用d汁撈下就拎出來比我地食，雞肉完全唔入味，而且d肉好孩，雖然佢用個爐慶住比我地，但食落去入面係凍既😅我地食完一舊要即刻吐出來🤮，真係好難食，唔知食緊乜
-手撕包菜 $98
呢個味道都ok，但好油好油好油，總之食落成口都係油
-欖菜四季豆粒炒飯 $88
炒飯冇乜味，冇鑊氣，d飯好濕，真係自己屋企炒都好食過佢😰
仲叫咗炸饅頭，糍粑同其他飲品，不過不失
成餐飯冇點食過，但埋單每人$300幾蚊，價錢同份量又唔成正比，味道更甚，真心唔明點解咁多好評，呢間真係我食過全香港最難食既川菜菜館，我地食完呢度仲要搵第二間餐廳食過，真係搵笨☹️☹️☹️
最好笑係冇任何提醒之下，個waitress一來就拎張單話我地夠鐘埋單走，門口好多人等位，呢個動作太突兀，其實我地台面仲有好多食物，雖然係難食到食唔落，但可以有溫馨既提示，唔係一來叫人埋單走人😤😤😤
酸菜魚
$298
4 浏览
0 赞好
0 留言
香辣雞煲(半隻)
$168
4 浏览
0 赞好
0 留言
欖菜四季豆粒炒飯
$88
2 浏览
0 赞好
0 留言
张贴
