影片
更多
2023-10-09
16 浏览
出尖沙咀搵妹妹食嘢，兩個都係火鍋控，於是上Openrice搵吓有乜正嘅火鍋店，見到呢間花月宮一面倒有接近300個好評，0負評，毫無懸念之下就揀咗佢食晚餐！火鍋店裝修設計同佢個名一樣好中國風，古色古香，適合唔同人數嘅座位都有，仲有包廂， 私隱度高！極度推介呢度火鍋湯底，真係一試難忘！✔️惹味酸菜魚鍋$168重要嘅嘢要講三次！一定要試！一定要試！一定要試呢個酸菜魚鍋！真心覺得佢好味程度高過出邊專食酸菜魚嘅餐廳！睇佢個樣好似冇乜特別，實際湯底好清甜，酸味啱啱好唔會太搶，而且真係會飲上癮，妹妹飲咗接近10碗，我都飲咗5至6碗，先捨得淥嘢食！✔️美國頂級手切封門柳$238睇雪花都知道係同一舊肉切出嚟，紋理超靚！師傅將每塊牛肉切得大小適中、好平均，有少少厚度，刀工超讚！餐廳提示淥20秒就食得，淥完20秒左右牛肉嫩滑又juicy！✔️韮菜餃(4粒)$58爽滑嘅韭菜皮包滿豬肉同韮菜粒，尤其記得豬肉好彈牙！✔️手打墨魚丸(4粒)$58呢隻手打墨魚丸圓軲轆、好飽滿，爭少少就成個乒乓波咁大！大大粒好有口感！✔️芝士竹輪卷$58入面嘅芝士徹底溶晒，咬一啖就爆曬汁，熱辣辣感覺好正！✔️田園拼盤$68呢個田園拼盤嘅蔬菜種類算
✔️惹味酸菜魚鍋$168
重要嘅嘢要講三次！一定要試！一定要試！一定要試呢個酸菜魚鍋！真心覺得佢好味程度高過出邊專食酸菜魚嘅餐廳！睇佢個樣好似冇乜特別，實際湯底好清甜，酸味啱啱好唔會太搶，而且真係會飲上癮，妹妹飲咗接近10碗，我都飲咗5至6碗，先捨得淥嘢食！
✔️美國頂級手切封門柳$238
睇雪花都知道係同一舊肉切出嚟，紋理超靚！師傅將每塊牛肉切得大小適中、好平均，有少少厚度，刀工超讚！餐廳提示淥20秒就食得，淥完20秒左右牛肉嫩滑又juicy！
✔️韮菜餃(4粒)$58
爽滑嘅韭菜皮包滿豬肉同韮菜粒，尤其記得豬肉好彈牙！
✔️手打墨魚丸(4粒)$58
呢隻手打墨魚丸圓軲轆、好飽滿，爭少少就成個乒乓波咁大！大大粒好有口感！
✔️芝士竹輪卷$58
入面嘅芝士徹底溶晒，咬一啖就爆曬汁，熱辣辣感覺好正！
✔️田園拼盤$68
呢個田園拼盤嘅蔬菜種類算係幾多，一般嘅生菜、娃娃菜、粟米都有，仲有蕃茄、小白菜、椰菜花，每樣都有啲，可以試多啲種類！
✔️稻庭烏冬$28
呢個係真材實料嘅稻庭烏冬，因為喺出邊真係食過混水摸魚嘅稻庭烏冬係完全唔煙韌綿糯！呢個烏冬就唔同，好有口感，即使食到最尾好飽，都忍唔住要清埋佢！
✔️無糖可口可樂$15/芬達$15
正常火鍋店罐裝汽水價位，打邊爐必飲嘅性價比高飲品！
✔️醬芥$18/位
张贴
