十二味巴蜀江湖菜 (已結業)

今日心血來潮，想食辣野。又想搞搞新意思，唔好再去譚仔，就搵左呢間。夜晚六點半，座位半滿，一入去就聞到香辣味。好多人都揀左大大煲既香辣煲，睇得又食得。但同行朋友唔多食得辣，就選擇左飯，麵等無咁刺激既食物。四川擔擔麵，湯底有少少麻，只係少辣，但感覺濃郁。麵條就不過不失，搭上肉醬後幾惹味。黯然銷魂炒飯，要試下先知堅唔堅。同樣地，一上場就有一股辣香，味道就無擔擔麵咁辣，係微微既嗆喉。入面既料都好豐富，有頗多粒蝦仁，炒蛋，仲有細細片既辣椒碎片。仲叫左個菜，雅安青旬炒雲耳，健康下。青旬好嫩滑，好似可以SIR落去咁。口感仲好爽，而且份量都好多，抵食﹗飲品叫左鮮榨雪梨汁，比朋友解辣的。朋友仔話，味道係淡淡的清甜，有渣。建議餐廳可以隔過渣，再比客人。整體黎講，係會有下次。不過要搵返個食得辣既人黎做伴。