火山燒 (已結業)

第一次食到咁失敗嘅放題。openrice搜放題，呢間排第一，好評最多，點諗都不會差成咁。無論燒乜嘢都「鞋」到不得了，調味料除咗甜都係甜，poster話兩位食有送波士頓龍蝦，入座之後又告知提前订座先有，個poster又未提，不想計較咁多咩照食咯，但D生蠔一D都唔新鮮，即使我唔食海鮮，我都見到燒完之後得DD肉，聞落嚟仲要好腥添。蔬果都好易燒燶，但如果唔駛燒燶，又不夠熟，第一次食到咁硬嘅茄子、水青瓜。海鮮除咗貝類，都冇乜嘢其它，D豬肉牛肉切得又實又柴又冇味，食幾嚿都滯喇，根本唔駛食其它嘢嚕。真係食到成肚氣，其實都唔理解點解會排行第一，我都見到有十嚟條評價都同我感受一樣㗎，呢個app真係冇水份咩？仲有飲品，明明寫咗20蚊/位，我唔鍾意飲甜嘢，都冇飲到，照收。話我同行者有飲，所以都要計。呢D係咩道理。總之一定唔會嚟多次。