黃金冰室 (石蔭路) (已結業)

話說又陪媽子食飯，食開嗰間食得太多次想轉吓，附近餐廳比我個百彈寨主媽子話唔好，咁就試吓呢間新開架啦。

叫咗 3個餐，個四季豆最正常，蝦干蒸肉餅唔入味，只係有豬肉味。 。 。咁起碼都叫做豬有豬味嘅。 。 。豉汁蒸䱽魚個汁怪怪，成餐飯得個四季豆最好食!

到餐茶，一試個奶茶便知龍與鳳。 。 。睇相見茶色咁深就知唔掂，還好請侍應幫忙加啲奶，佢哋另外斟咗啲過嚟，加落杯茶度成刻變得咗 😜

侍應服務態度好得，媽子要求碗飯熱啲，佢哋較熱啲温度等咗陣先上，呢方便滿足到佢 🤭

例湯

四季豆

蝦干蒸肉餅

豉汁蒸䱽魚

奶茶