影片
更多
2012-02-26
32 浏览
11月28日, 返咗大陆两日, 夜晚搭巴士到湾仔落车, 喺附近嘅大友商场揾食~ 见到有一段时间冇食嘅台湾野, 见佢环境都唔太差, 又唔洗等位就坐低食喇~::: 红烧牛肉配担仔面 ::: $42心谂食台湾野最普通都算系牛肉面同肉燥饭啦… 我地两样都有叫, 点知头炮个牛肉面就即刻中咗伏! 牛肉同个面就分开上, 一睇个面同汤底, 哗… 好清汤, 个面完全系冇味嘅, 比出面𠮶d十蚊面更加淡, 面底又过淋, 一d都唔爽口… 红烧牛肉其实系有d汁嘅, 以为加番落个汤度会有d味, 但都只怪自己太天真, 𠮶少少嘅肉汁都系唔够浓, 加咗落汤之后色就有, 味呢都系一样淡… 红烧牛肉味道只系似卤水牛展牛腩牛筋混合体, 冇台湾地道一贯𠮶种牛肉浓香, 淋就够淋, 但系同想像实在差太远… 越食个面, 就越想加d辣油豉油上去, 不过呢间唔系粉面店…::: 香酥鸡扒配肉燥饭 ::: $43本身以为香酥鸡扒即系盐酥鸡扒, 不过都系我想得太多喇… 鸡扒上只系略略洒上少少淮盐等香味粉, 极其量系块普通炸鸡扒, 基本上其实无乜盐酥风味… 鸡扒无乜鸡味, 不过d鸡扒肉质颇嫩. 肉燥饭细细碗, 肉燥外表就够色水~ 但佢无乜菇味,
::: 红烧牛肉配担仔面 ::: $42
心谂食台湾野最普通都算系牛肉面同肉燥饭啦… 我地两样都有叫, 点知头炮个牛肉面就即刻中咗伏! 牛肉同个面就分开上, 一睇个面同汤底, 哗… 好清汤, 个面完全系冇味嘅, 比出面𠮶d十蚊面更加淡, 面底又过淋, 一d都唔爽口… 红烧牛肉其实系有d汁嘅, 以为加番落个汤度会有d味, 但都只怪自己太天真, 𠮶少少嘅肉汁都系唔够浓, 加咗落汤之后色就有, 味呢都系一样淡… 红烧牛肉味道只系似卤水牛展牛腩牛筋混合体, 冇台湾地道一贯𠮶种牛肉浓香, 淋就够淋, 但系同想像实在差太远… 越食个面, 就越想加d辣油豉油上去, 不过呢间唔系粉面店…
::: 香酥鸡扒配肉燥饭 ::: $43
本身以为香酥鸡扒即系盐酥鸡扒, 不过都系我想得太多喇… 鸡扒上只系略略洒上少少淮盐等香味粉, 极其量系块普通炸鸡扒, 基本上其实无乜盐酥风味… 鸡扒无乜鸡味, 不过d鸡扒肉质颇嫩. 肉燥饭细细碗, 肉燥外表就够色水~ 但佢无乜菇味, 整体都系唔够味… 加上份量碎湿湿, d饭又有少少过淋… 系一份外表神似但欠台式地道风味嘅肉燥饭…
::: 地道点心杂锦 ::: $30
另外仲叫咗个特价嘅拼盘, 有齐各种小食俾我地可以试下~ 有炸番薯、咖哩角、米糕同埋卤豆腐干~ 每一款都不过不失啦, 炸番薯香软, 但有少少腻, 咖哩角一般般, 卤豆腐干几入味, 不过就太实太咸… 最ok嘅应该系个米糕, 捞埋酱汁食够晒香软粉糯~ 最有台式地道感觉.
::: 胚芽奶茶 ::: $11
胚芽十分之足够, 占咗1/3杯~ 味道可以接受, 奶味比茶味多, 亦都甜咗d... 不过跟餐加$11就有得饮都算系咁啦.
可能叫错野食, 今次真系对佢好失望… 不过见佢晚饭时间都冇乜人, 服务都有d差, 下次都应该唔会再食.
张贴
