韓牛韓式燒烤 (已結業)

中同聚會約食飯最好都係食放題韓燒果d，仲要係最好旺角，大班人揀中間點就岩唔洗煩..印像中創興有間韓燒，價錢好平既，我地就揀左呢間，不過上到去發現好似餐廳名唔同左，可能轉左手入到去都幾驚喜因為好多野食，而且睇落四正唔差，呢個海鮮區都好正啦，竟然有凍蟹凍蝦同凍蟹都新鮮 爽口同甜壽司有幾款，仲有沙律tim,我無食到仲有個精緻甜品櫃，試左幾款，椰汁紅豆奶凍最好食，好香滑，椰汁味好濃郁橙都食左唔少因為又甜又多汁呢區就岩嗮小朋友啦！自己整綿花糖！但係眼見好多大人都整得好開心架豬腩肉比較肥同鞋口，一口牛同牛仔骨唔錯牛味又幾夠，淹味又惹味魷魚鬚都好食，燒汁好香唔太咸，都幾爽脆，送酒好岩呢隻蝦係熟食區拎，豉油王煎蝦，幾香同新鮮。食到最後都飽了但見到春卷新鮮上架，又拎左幾條，香脆無比，入面係粉絲紅蘿蔔木耳，好食！