沿樓梯上，牆身已有不同海報、照片，配上有趣字句，每個位都可以係影相位📷餐牌方面，食物名稱貫徹搞笑風格，十分有創意。餐廳座位闊落，環境唔錯。
＊－。－。－。－。－。－。－。－。－。－＊
🔸以為食緊片皮鴨比薩 $138
如果食開意式風情／夏威夷風光，呢款會幾有驚喜！上菜時已經聞到好香！薄脆批底，上面鋪上鴨肉、京葱、青瓜、甜醬汁，食落有咬口，味道真係「以為食緊片皮鴨」😂😂😂
🔸黑到爆炸白飯魚魷魚墨魚滑墨汁飯急口令咩 $128
烏卒卒之選🖤墨汁意大利飯帶奶油香，配上酥炸過的墨魚滑好Crispy，仲有鮮魷魚🦑
＊－。－。－。－。－。－。－。－。－。－＊
