極尚大瀛喜日本料理 (已結業)

用手機落單又快又方便。好容易一眼就睇晒有啲咩食。唔好嘅就係落單太順手好容易叫多咗。食物種類多。但係魚生刺身好薄。魚生刺身大概2mm厚⋯⋯赤蝦刺身唔係咁新鮮。基本上所有刺身都唔係咁新鮮。但以放題來講質素一般都唔會好得去邊。可以接受嘅程度。熟食亦都有好多選擇。叫咗兩次芝麻雞翼，都冇見過。炸榴槤同埋芝士年糕好好味。焗扇貝都好好味。手額壽司上面塊魚真係好細好細。好在粒飯都唔係好大。但係同上邊塊魚生比較舊飯都係大過片魚生好多。甜品櫃嘅甜品就唔好攪啦。雪條雪糕雖然唔係咩貴價牌子，但都唔錯。嘢飲又有得揀凍或者室溫。同埋都好多選擇。間唔中食下放題都幾開心。咁嘅價錢咁嘅質素OK啦。啲人話服務態度差，我又唔覺喎。平日中午去都唔使book枱。