北海道活壽司 (已結業)

作為一個大食嘅人，一直都好抗拒食日本野，唔係因為唔食生嘢嘅問題，而係通常食日本嘢唔到3點又肚餓不過今日早餐食得超豐富，咁中午就可以去食久違了嘅日本嘢。北海道活壽司已經在香港好多年，見佢午餐menu 咁抵食又多選擇，即管俾個機會佢啦。既然叫活壽司，當然要食生嘢，所以叫了一個什錦魚生飯定食。套餐包左沙律，前菜八爪魚，角切魚生飯同飲品。三文魚份量都算多，仲有蟹柳絲同蛋。魚生都算新鮮鮮甜，份量都係同一般日本餐一樣偏少。幸好今日唔算太餓，勉強夠飽。