影片
更多
2017-10-14
3686 浏览
台式火鍋近年在香港大行其道，之前同家人曾到訪過旺角一間以養生食材作主打的台式火鍋店，最近從飲食平台得知，銅鑼灣都開咗間以台灣手工火鍋作招徠的食肆「饕鍋物」。據說店子從台灣引入咗多款坊間少有的鍋物湯底，例如紅燒牛肉湯、黑糖薑母鴨湯、九層塔蜆湯等，而手工配料方面就有極品牛三角、特級松板豬、南投土雞脾等，感覺特別，所以已經將餐廳放咗喺 Wish List。早兩天好友相約午飯，竟然選了這家火鍋店。據友人稱，餐廳午市有套餐供應，價錢唔貴，幾十蚊已經有交易，而且仲要唔收加一。咁抵？反正我也早有和家人到訪之意，就一於趁機先來小試牛刀。餐廳位於堅拿道西 10 號冠景樓 1 樓，由地下拾級而上，店子走新派台式路線，店內面積頗大，地方闊落，用餐區以淺木色為主調，天花和牆身均綴有植物，木紋餐桌配以綠色座椅，加上幾何圖形吊燈，為室內裝潢添上幾分型格。午市菜單選擇非常豐富，分為兩大類，有「絕妙粉麵」和「味香米飯」兩個系列，套餐奉送冬瓜茶或黑糖薑母茶一杯，如果想轉配冷飲或特飲，亦只須 +$6 或 +$8。另外餐牌上有 10 款台式小食可供選擇，價錢都幾經濟，只須 +$18 便可享一款。友人想吃雞扒肉燥飯，而我就點
早兩天好友相約午飯，竟然選了這家火鍋店。據友人稱，餐廳午市有套餐供應，價錢唔貴，幾十蚊已經有交易，而且仲要唔收加一。咁抵？反正我也早有和家人到訪之意，就一於趁機先來小試牛刀。
餐廳位於堅拿道西 10 號冠景樓 1 樓，由地下拾級而上，店子走新派台式路線，店內面積頗大，地方闊落，用餐區以淺木色為主調，天花和牆身均綴有植物，木紋餐桌配以綠色座椅，加上幾何圖形吊燈，為室內裝潢添上幾分型格。
午市菜單選擇非常豐富，分為兩大類，有「絕妙粉麵」和「味香米飯」兩個系列，套餐奉送冬瓜茶或黑糖薑母茶一杯，如果想轉配冷飲或特飲，亦只須 +$6 或 +$8。另外餐牌上有 10 款台式小食可供選擇，價錢都幾經濟，只須 +$18 便可享一款。友人想吃雞扒肉燥飯，而我就點咗三絲炒新竹米粉，另外再揀三款小食。
先介紹一吓三款小吃，最先送上嘅呢款係 Shake Shake 鹽酥雞 ($18)，鹽酥雞分量適中，以小煎鍋盛載，放上檯時仍帶著熱氣。馬上挾起一件入口，雞塊粉薄香酥，咬下卜卜脆，而且炸粉不過厚，椒鹽味突出又唔會太肥膩，食完雞油香氣在口腔縈繞不散。
接著嘅酥炸花枝丸 ($18)，水準亦不遑多讓，雖然色澤看起來唔夠金黃，但就非常之大粒，真材實料，而且食落外微脆內軟彈，甜甜地、帶蒜香，風味十足。
夜市燒香腸 ($18)，香腸上桌時已切成一片片，可以清楚看到內裡肥肉部份已溶化，入口帶肉汁，而且香甜有嚼勁，不用蘸點醬汁吃，已經夠曬入味。
輪到吃主食，先講酥炸大雞扒肉燥飯 ($45)，原來肉燥飯可以免費轉換成滷肉飯，見咁著數，當然要試下。滷肉飯用一隻長碟盛載，看起來分量十足，非常之大堆頭，除了飯和雞扒外，還配有滷水蛋，並附上辣醬。先舀起滷肉細看，帶亮麗焦糖色，入口豐腴鬆化，醬油味不過濃，而白飯亦富米香，唔錯。至於雞扒方面，唔算十分厚身，食落香脆肉嫩，不會吃到一口油，以辣醬伴吃，惹味刺激。
我點嘅蠔仔三絲炒新竹米粉 ($62)，以鑊仔盛上，用料比較簡單，配料只有椰菜、紫洋蔥和三色椒。不過米粉炒得好有水準，質感柔韌，入口清爽彈牙有嚼勁，非常美味。只可惜蠔仔分量太少，得四隻，幸好顆顆肥美得來又夠大粒，食落好鮮甜。
飲品嘅名字超攪鬼，一款叫華麗的冒險 (+$8)，而另一款就叫人魚的眼淚。華麗的冒險其實是烏龍茶、藍珍珠和鮮奶的組合，非常順滑，入口茶香帶回甘，冰涼透心。墊底嘅透明珍珠用上蝶豆花染色製成，咬下煙煙韌韌，為飲品錦上添花。
至於另一杯人魚的眼淚 (+$8)，其實係沙冰，用上手工藍珍珠、芒果、檸檬和蜂蜜炮製，上桌時見色澤非常搶眼，馬上拍下來呃 Like！啜一口，既有檸檬嘅微酸又帶蜂蜜芒果嘅甜香，喝罷口腔還留下aftertaste。
睇過餐牌，招牌台灣手工火鍋，每位收費只是 $188 起，即可享用套餐及任食多款配料，性價比甚高，等兒子考完試一於和家人嚟試吓。
张贴
