Domon 居酒屋 (西寶城)

营业中

休息中

西環街坊平時唔知食咩行去西寶城就會諗起佢，野食夠大份價錢又親民所以都幾推薦！ 燒雞泡魚乾：雞泡魚乾燒得剛剛好，唔會太乾身，味道香甜，令人一食上癮。黑松露燻蛋：燻蛋嘅口感嫩滑，黑松露嘅味道突出，但唔會搶走燻蛋嘅蛋味。黑松露牛拖羅卷：呢個拖羅卷本身口感都好豐富，而表面鋪咗經過火炙嘅牛肉，牛肉嘅口感好嫩，仲帶有炙燒嘅香味，同黑松露嘅味道好夾。鐵板蒜片牛柳粒：牛柳粒用鐵板上，有鐵板獨有嘅香味，仲配埋好多蒜片，可以夾埋蒜片一齊食，令牛柳多添一份蒜香味。極上牛小排壽喜鍋：呢度嘅牛小排係用上美國嘅安格斯級，肉味會較濃，食落無和牛咁油膩，配埋香甜嘅壽喜燒汁，可以更能突出牛肉嘅肉味，而入面仲有多款嘅配菜，吸收哂湯汁就更好味。吉列廣島蠔(3隻）：廣島嘅蠔好大隻，隻隻都好肥美，用嚟做吉列蠔好啱，咬落去嗰下食到酥脆嘅口感，仲食到蠔本身嘅鮮甜味。蘸埋沙律醬可以中和一下吉列嘅油膩感。