墾丁茶房 (已結業)

星期六去油塘，唔知食咩，亂入呢間台式茶室，叫了兩個招牌套餐，一個滷味配魯肉套餐，另一個酥炸雞扒魯肉套餐。只能夠話，呢間餐廳好伏，食完喊三聲 😢😢😢一上菜，賣相已經扣晒分，滷味套餐睇相排到整整齊齊，但上枱啲豆腐、雞翼、鴨胸、蘿蔔好似打風咁撈埋一堆，毫無誠意！味道普通過普通。套餐配珍珠奶茶，糖水係分開的，呢個飲法好新鮮，乜珍珠奶茶唔係連糖水及冰一齊調出來咩，點解會變咗港式奶茶？！個珍珠奶茶仲要淡而無味，一啲茶香都冇 😡酥脆雞扒淨係食到炸粉，又勁多油！個魯肉飯，一啲都唔正宗，罐頭五香肉丁都好味過佢！👎🏻👎🏻