桃園眷村 (已結業)

早前朋友開心 share 在桃園眷村吃豆漿粢飯。 一貫香港人心態，都想試下新嘢，又可以朝聖。 星期日下雨天，舉家到上址吃午餐。 首先失望是沒有人安排位置，要自己企喺人哋餐桌旁等位。 終於等到個位，要自己去清理檯上的垃圾。 坐低咗，去排隊買餐， cashier已講明，今天人手不足可能要等耐啲。 有心理準備是好的，但是生理上肚子還是會打鼓。 第一張單未到，因 家人肚餓，所以加定單。 今次連排隊落單，都等咗起碼十分鐘... 原來連個cashier都要出去執垃圾... 我已經係排第二個，前面個男士比我更加慌張。我見隔離有張凳，索性坐低等，好彩唔趕時間。 終於所有餐都到齊， 豆漿一般啦， 粢飯鬆鬆散散，阿媽仲話四十幾蚊？！豆腐花諗住都唔會太差啦， 唔知點解啲水係酸酸地...。但係最後悔的是， 好唔環保，全部餐具都係即棄。家人都話，冇下次...