一入店鋪，平日7點得2台客已經覺得奇怪，上菜時就知原因!
午餐食得有啲飽，所以叫左2個小食，分別係蚵仔煎同皮蛋豆腐。
蚵仔煎 （$48）見網友有推介，黎到當然要試試。$48唔算平，但如果好食嘅當然值得。
侍應攞上枱見到好大份，貌相有啲似蛋餅，心諗都幾抵食喎。
誰不知原來係食地瓜粉，除左皮厚，裡面主要係菜，更唔係一般台灣蚵仔煎嘅生菜。裡面嘅雞蛋未熟仲有透明蛋液，中間部分更食到粉感，口感完全唔一樣。。。
蚵仔煎嘅靈魂醬汁亦唔夠，只有加在上面嘅S型咁多，忍唔住叫侍應再加一碗甜不辣汁。看似大份嘅蚵仔煎最後只有4粒蚵仔。
充滿期待食蚵仔煎，但完全失望。。。
皮蛋豆腐（$33）豆腐係完整半舊盒裝豆腐，連切片都省卻
醬汁過咸，豆腐只可輕輕一沾，否則食唔到。唯有皮蛋調味還好，唔會太重鹼水味。一餐輕晚餐盛惠$81， 但我唔知道食左咩落肚
完全無滿足感
