影片
更多
2015-08-04
2089 浏览
朋友推薦話好好味，話刺身新鮮，串燒牛柳好味，又有劏魚表演，老公好有興趣睇劏魚，所以我地決定一試。因為係openrice 見到有人留言話好快截單，所以我電話問左職員，確定放題時間係二小時，但食左１小時１５分就last order , 10分鐘後截單。時間係好趕，唔可以慢慢嘆住食，只能掃食，試過發現唔啱我，有點辛苦，埋單近300一位，加上食物質數唔係出色，所以一定無下次。我地７點半左右到，職員最初帶左我地去靠牆既卡位，但有另一枱既客人坐正係個卡位其中一邊既出口，我見到即刻話，咁多吉位，點解要俾張咁既枱我地？個出口頂住左喎！之後個職員帶左我地去較遠同靜，而且黑既一張卡位，不久後，個職員又埋黎話都係俾另一張係正中位既梳化位俾我地。我地坐低左，另一個職員埋黎堅持只俾一張２人枱我地，係都要拉開隔離無人坐既２人枱，當時個場只係半滿，事實全晚都只係半滿（是日係星期一），又唔係無位，唔明點解唔俾個客坐得舒服啲呢？而且食放題，一張二人枱根本唔夠位擺野，而且，在場好多二人都坐緊４人甚致５－６人卡位.....人地坐得咁舒服，但要我咁迫，而且唔係無位，我個心又點會舒服呢？ 爭論左好耐，最後我同佢講如果你地一陣個
118 浏览
0 赞好
0 留言
我地７點半左右到，職員最初帶左我地去靠牆既卡位，但有另一枱既客人坐正係個卡位其中一邊既出口，我見到即刻話，咁多吉位，點解要俾張咁既枱我地？個出口頂住左喎！之後個職員帶左我地去較遠同靜，而且黑既一張卡位，不久後，個職員又埋黎話都係俾另一張係正中位既梳化位俾我地。
我地坐低左，另一個職員埋黎堅持只俾一張２人枱我地，係都要拉開隔離無人坐既２人枱，當時個場只係半滿，事實全晚都只係半滿（是日係星期一），又唔係無位，唔明點解唔俾個客坐得舒服啲呢？而且食放題，一張二人枱根本唔夠位擺野，而且，在場好多二人都坐緊４人甚致５－６人卡位.....人地坐得咁舒服，但要我咁迫，而且唔係無位，我個心又點會舒服呢？ 爭論左好耐，最後我同佢講如果你地一陣個場爆，我會讓番張枱出黎，你而家俾我用住先啦，佢先應承我。但我已經一肚氣，乜心情都無！！！！因為全晚都有一半吉枱，之後當然無人要求我讓番張枱出黎啦!
開始order 野，食物上得好快。
118 浏览
0 赞好
0 留言
83 浏览
0 赞好
0 留言
生蠔，老公食過話有啲ok, 有啲唔新鮮。
朋友勁推串燒牛，但我覺得大部份都燒over 左，過熟，面層太乾。
蟹粥無味，個份量size ok, 但無味囉。
炒野菜，第一次見個賣相咁差既炒野菜，見到我完全唔想食，俾左老公食。
炒牛油粟米，好大碟呀，味道正常。
炸雞翼....真係第一次食唔好食既雞翼，好神奇，佢好似無乜點叶過啲雞翼就炸。
鵝肝壽司....我係叫左鵝肝壽司，但我唔肯定佢黎既係咪鵝肝壽司，有兩件，其中一件面果塊疑似鵝肝只有壽司既四分一大，我指從正上方睇，超細，咁矜貴，我諗就係so called 鵝肝啦....但塊疑似鵝肝好乾，無乜味。
火炙三文魚壽司，正常好味。
泰式蝦壽司，好好味呀，雖然又係有啲乾，唔係十分新鮮，但隻蝦酸酸地好好味。
我有預先打電話預留壽司蛋糕，因為前兩日係老公生日，雖然已慶祝左，但唔好嘥，順便再祝多次。因為我地七點半入場，橫誇左兩個用餐時段，等左好耐，十點幾先出個打打蛋糕，（雖然九點截左單，但只要無客等枱係可以一直坐到尾），蛋糕出前我咁啱去左洗手間，去時心諗萬一而家出蛋糕點算呢？去完出到黎見全場熄晒灯，真係咁啱得咁喬！心知不妙，立即快步返埋位。
哩個係我俾老公既驚喜，佢事前唔知有蛋糕，所以個蛋糕黎到佢好開心，但又咁啱佢電話無memory,我電話又收左入袋，太黑，支烟花又燒得快，影唔到相，好可惜。只能係開灯後影張無火光既相。 個他他蛋糕好好味，雖然老公已好飽，但都好叻咁食晒成個他他。
51 浏览
0 赞好
0 留言
张贴
