酒肉·朋友 (已結業)

本来难得开开心心同女朋友去试下呢间食串烧既餐厅，点知中伏去左间服务咁差既餐厅，先唔讲食物既味道，自问我地两个人算叫得多野食，但咁都要受到咁恶劣同无礼貌既服务态度，真系食过一次唔会再帮衬！完全系赶客，唔系做生意！呢间餐厅个女侍应系由头到尾都黑口黑面，我地好心惊阻住人收工问几点收铺，佢答左9:30pm 收铺，点知可以9 点几左右粒声唔出行埋黎将你枱上未食完既野全部清走，然后仲要讲句 "你地完架喇"... 我心谂明明你地仲有十五分钟先收铺，根本系赶客。咁食物既然急住俾佢清晒都算了，问佢可唔可以叫多支 $240 既清酒饮，即刻被无礼拒绝兼串我地last order 完左好耐。。咁都算啦，但隔离枱即刻叫多杯啤酒又照俾㖞，咁究竟间餐厅既last order 系几点？我同女朋友食完都好受气，感觉服务态度奇差仲要受到不公平既对待真系好有问题。我都想系度建议大家唔好考虑呢间餐厅，如果在乎服务态度的话千祈唔好搏，间野食物味道都中规中矩，唔值得消费仲要咁受气！