名館 (希慎廣場) (已結業)

未諗過第一次寫comment係因為難食到激發我創作靈感，另一原因係因為太多唔真實同埋客觀的評論，為左更加多人唔好中伏，唯有獻出我第一次。總體來說劣食係十分中肯。lunch時間book左優惠點心放題，我地叫左3round，主要是因為太難食，食唔飽想試下有沒有第二d嘢可以令人為之振奮但越發失望。炸物第一唔掂，估計工廠送貨時已經半成品，再番炸油溫唔高令到索曬d油，增磅利器，唯一食到小小既係春捲。點心，蝦餃正常d，但同平時茶樓食到點心依然有距離，如果你真係請仇人來食，你唯一可以食既就係蝦餃，燒賣&雞絲涼皮。前菜無味+唔新鮮，青瓜已唔爽，起碼都要擺成個禮拜先可以做到，淮生已經擺到抽乾水分同黏液，新鮮都做唔好，以為調味可以令到冇咁伏，結果每個環節都非常之hea。再有d面，只有半罐味精味道，十分之重手，試左一啖，整個晏晝飲左一禮拜水。寫出來係希望餐廳reflect下自己咁樣賺錢是否合理，另外唔好再有人中伏。