金滿多餃子店

营业中

休息中

話說剛剛去完惠康買嘢出嚟，就經過呢間金滿多餃子店(之前呢個舖位係做日本餐廳)， 見到佢出面嗰張外賣紙，個價錢都唔平，諗住有粉葛鯪魚豬骨濃湯底，咁就買嚟試下，雙拼要加兩蚊，唔緊要， 可能好食呢… 點知返到屋企打開，望到個樣都唔得， 第一啖梗係試下個湯底啦… 點不知係甜嘅湯， 好似糖水咁甜 ，跟住再食餃子，一夾就已經散曬， 皮肉分離， 我選擇咗兩款菜餃，兩款牛肉餃， 菜同肉嘅比例好唔平均，係菜多過肉，好搵笨😡， 另外一個牛肉餃， 咬落去好多根，都食五到， 總括嚟講，嗰啲餡料有好多味精， 個湯底又好甜， 根本完全冇粉葛鯪魚味， 另外送咗兩個菜脯，但嗰啲菜脯只係得個咸字同埋乾淨淨，食一啖你都唔想再食。食完之後，過一陣間， 你就會發覺非常之好口渴， 飲水都解唔到嗰啲味精， 即刻沖杯茶飲，先至無咁口渴。