揀得啱車仔麵 (已結業)

平時lunchtime行過都見到新紀元呢度開左間新式車仔麵，無辣不歡既我就比佢個招牌水煮魚米線吸引左去食喇！水煮魚同米線，兩樣都係我至愛，水煮魚有得揀辣度，我揀左小辣，覺得辣度岩岩好，魚塊雖然唔算鮮嫩，但索左湯汁之後食都唔錯！同行友人就叫左普通既車仔麵配佢個秘製502辣醬，仲嗌左個好少見既黑松露餃子，餃子食落真係幾香黑松露味，唔錯！個辣醬真係唔野少，只係嗌左小辣都覺得好辣，如果怕既就叫廚房分開上好啲喇！另外油麵質地都彈牙爽口，不過湯底味道可以再濃啲就更加好。最後都有試到佢個小食，一款係千杯不醉雞翼，一款係麻辣鴨血。雞翼雖然酒味唔算濃，不過肉質就好嫩滑，好飽滿。鴨血既麻辣度就夠既，不過我就麻麻地個質感喇。