影片
更多
2010-12-12
16 浏览
一直苦惱中上環區好似無一間似樣啲嘅日本拉麵店，真係無啖好食! 有啲又貴又唔好食，平嘅又鬼咁難食，有啲唔係賣裝修就係賣牌子賣地點，但自從豚王喺中環開業後，呢區立即有返啲曙光，個心一直想會一會呢隻豚王，但可惜次次經過都有最小五十幾人排緊隊，坐位就只有十幾個，閒閒地要等一兩個鐘! 本來一心諗住退而求其次，來試試八千代作為代替品，試過之後原來呢度啲拉麵都唔錯，食唔到豚王都唔一定係損失。唔知由幾時開始就鍾意去啲夠專嘅食店，即是食物選擇不用多，只專注做幾樣出品的食店。坊間的拉麵店為吸引怕悶的香港人，出品千變萬化，拉麵的口味多之餘，小食的選擇更多，似居食屋多過拉麵店。好幾次經過九如坊，知道八千代專注三款湯底嘅叉燒拉麵，其他食物選擇不多，同日本當地的拉麵店比較，格局和食品選擇兩方面都好接近，但點都係多咁幾款小食。晚上八點幾先嚟到，客人不多，店子成長形嘅格局，不能客納大枱，三五知己還可以，今晚近門口嗰枱有七位客人，要係通道位置加櫈，阻住個門口出入都有問題! 開放式廚房地方光猛清潔，不過就嫌熱咗小小(呢度唔係日本吖，天氣都無咁凍!)，食完碗麵成身汗!如果客人再多啲唔知店方會唔會醒目開大啲個冷氣呢? 鄉下佬
唔知由幾時開始就鍾意去啲夠專嘅食店，即是食物選擇不用多，只專注做幾樣出品的食店。坊間的拉麵店為吸引怕悶的香港人，出品千變萬化，拉麵的口味多之餘，小食的選擇更多，似居食屋多過拉麵店。好幾次經過九如坊，知道八千代專注三款湯底嘅叉燒拉麵，其他食物選擇不多，同日本當地的拉麵店比較，格局和食品選擇兩方面都好接近，但點都係多咁幾款小食。
晚上八點幾先嚟到，客人不多，店子成長形嘅格局，不能客納大枱，三五知己還可以，今晚近門口嗰枱有七位客人，要係通道位置加櫈，阻住個門口出入都有問題! 開放式廚房地方光猛清潔，不過就嫌熱咗小小(呢度唔係日本吖，天氣都無咁凍!)，食完碗麵成身汗!如果客人再多啲唔知店方會唔會醒目開大啲個冷氣呢?
鄉下佬出城搵食連餐牌都睇唔明! 見到餐牌上左手邊有三款湯底嘅拉麵，醬油、鹽味、味噌，右手邊有個格，寫上拉麵配菜(另加)。真係唔知點解自己今日嗰腦諗緊咩，竟然以為左手邊淨係選湯底只有湯同麵，配菜就要另加! 落單時要了鹽味拉麵加叉燒、紫菜、雞蛋、牛油、栗米! 侍應哥哥幫我落單，見我係咁加嘢，忍唔住同我講個麵本身已經叉燒，係唔係要加叉燒?嗰一刻我先至有如夢初醒! 仲好白痴咁問：「咁個麵仲有啲咩配料?」，當時我真係覺得自己有啲 ”火羅”，但係個就侍應哥哥不嫌其煩咁解釋俾我聽有咩配料! 多謝! 最後我都係加咗紫菜、牛油、栗米!
前菜
落單後立即端上。四季豆有啲生生地配上有小小鹹嘅昆布帶出野性嘅味道，讚! 竹筍雖然都有小小爽，唔鍾意食腍嘅竹筍，味道又唔好，差!
麥茶
麥味香濃，讚!不過店內太熱，飲多兩杯流晒汗!
鹽味拉麵
一般又稱為函館拉麵，加牛油是最正宗嘅北海道食法，近年好多拉麵店都已經有加牛油嘅選擇，不過就要加錢，但係喺北海道就一定會加牛油俾你，而且比香港加錢嘅大嚿好多，重要係當地嘅鮮牛油，奶油味超濃!
湯底
淡淡嘅豬骨湯底，再加海鹽調味，鹽味好出，但又唔會太鹹，讚! 可惜呢度加咗錢都只係俾細細片嘅牛油俾你，成個湯底嘅配合香味唔夠，不過都俾我飲到見底。
拉麵
麵條係曲曲地嘅旭川風幼麵，比較硬身，帶點彈牙，吸湯後帶點豬骨味但仍然唔容易變腍，讚!
溏心鹵蛋
溏心鹵蛋(匙羹位遮咗)，超讚! 質感超軟熟，蛋白不會太老，加上蛋黃邊緣位置有小小熟，有一點漿咀嘅口感，蛋黃中心仍然係流漿狀態，口感味道都一流，十分滿分!
叉燒
原本侍應哥哥話一碗兩到塊，我嗰碗有三塊，但並唔係好事，因為三塊都好細塊，而且好瘦，喺角位得小小肥肉，唔知係咩風格嘅叉燒，乾爭爭咁，如果專注叉燒嘅麵店，唔應該整得咁差!
其他配料
栗米爽甜，紫菜無咩特別，腍嘅筍都係差，有D綠色嘅海苔唔知係餐牌上嘅海藻定係若布，放湯似紫菜嘅質感，不過比紫菜滑啲。
埋單82蚊，其實都合理，但拉麵店要加一感覺好似唔係咁抵，不如明碼實價重好。
张贴
