味‧壽司 (已結業)

剛收到好消息，又過左去太子果頭，就打算食返餐壽司慰勞下自己 (又多個藉口比自己食 ) ~ 一個人仔想食壽司，但又唔想食連鎖色壽司店... 行到去「味壽司」門前，就誤打誤撞咁走入去。叫左三個壽司 千禧之戀：類似花之戀壽司，但有埋海膽同甜蝦。兩塊三文魚肥美程度一般，但勝在幾新鮮；一向對海膽麻麻，但呢度就幾好，有鮮味... (好怕出面有 d 係臭的)；個甜蝦細細舊，但都係好鮮甜，肉質彈牙；而蟹籽就同出面壽司舖差唔多啦。總括而言，比一碟既錢就可以試四樣野，都幾抵架﹗ 海膽醬燒蟹棒：本身個蟹棒都幾鮮味，同埋「蟹肉」都幾靚下，但佢燒得燶左少少，所以初初食落去係有少少燶味。而且加埋所謂的「海膽醬」就好像是畫蛇添足了 ~ 講真，海膽醬既味係完全唔出，只係上菜時有少少香味... 同埋食落去夾埋又怪怪地咁，我情願佢就咁加沙律醬係蟹棒上便好了。 火焯三文魚腩：三碟之中，呢個我最鍾意既... 佢既三文魚腩選料非常好. 感覺到係肥美得黎.. d 脂肪分佈得很平均果種 ~ 而佢火焯既火喉都剛剛好，食起上黎係暖暖的.. 同埋整塊都係滑滑的。上面既洋蔥係越食越甜，同個火焯三文魚腩配合得岩岩好。平想食軟殼蟹手卷，但佢