本場

营业中

休息中

呢排真係瘋狂瘋狂搜尋唔同放題食，因為之前疫情實在令我壓抑太久，我要繼續搜尋高質放題了！旺角呢間我見有幾個朋友都介紹，而且平日食極上牛小排海鮮放題 平啲，盛惠$378一個人，仲有燒肉同埋海鮮選擇，確實幾吸引。我鍾意佢依間餐廳叫一客有4塊，一啲都唔會蝕底，實行令到你飽飽地走。叫咗幾款牛肉，包括壼漬牛肋條，牛小排，頂級肩脊肉，網燒一口牛，牛舌，我就揀咗燒汁，有啲就可以選擇辛辣汁，按自己喜好選擇。牛肉質素都唔錯，唔會太韌，仲有好香牛味。比較少見嘅係依間餐廳有月見汁沾蛋，等我可以沾牛肉食。至於雞同豬都有好多選擇，我叫咗豬頸肉，博多雞肝同博多雞腎。食肉又點會滿足到我呢？我仲叫咗好多海鮮，包括香草牛油帶子，牛油廣島蠔肉，半殼青口，墨魚片，香草牛油蝦仁，我比較鍾意食佢嘅牛油帶子，因為很鮮味同大隻飲品方面唔特別介紹，普通餐廳有嘅佢都會有，例如零系可樂，解茶等等。