築間幸福鍋物

早排見到社交平台有講台灣最強鍋物嚟咗香港開鋪，但個名一般香港朋友都話未聽過。咁上網search 原來係台灣都好多分店架喎，見佢新開張一個禮拜就上網訂定枱去食，同埋近排做緊優惠收藏佢哋既openrice會送一份海鮮/肉，我哋要咗魚又幾好食佢哋係行半自助邊爐形式，除咗肉類同海鮮要嗌之外其他丸同菜都可以係自助吧攞既仲有蝦滑可以攞添。我哋叫咗板楗牛肉(大-$240)同埋雪花豬肉(大-$180),要一人叫一個餐同埋再揀湯底 麻辣湯($38) & 鮮菇奶香($25)。麻辣湯算係少辣入面都有好多豆腐同鴨血，鮮菇奶香就係牛奶湯底配上菇類聞落好香幾有菇味。跟餐仲有一杯手搖檸茶,白飯/雞蛋同埋甜品。甜品有4~5款可以揀仲有焦糖燉蛋添不過食落有少少苦味牛肉同豬肉都算對得到個價錢，但以半自助嚟講算係少貴而且張枱同埋個位置好細，坐得唔係咁舒服。店員有一半都係台灣人嚟服務都唔錯有啲去咗台灣既feel 😂😂